1. apríl 2016 verða 5 ár síðan Þraut gerði sinn fyrsta starfssamning við Sjúkratryggingar Íslands. Á þessum 5 árum hefur Þraut vaxið, þroskast og dafnað. Síðast liðið vor var húsnæði Þrautar stækkað til að bæta aðstöðu fyrir endurhæfinguna.
Öll starfsemin er í stöðugri endurskoðun og á síðasta ári þá hófst nýtt og breytt endurhæfingarprógram. Endurhæfingarprógramið var stytt og einfaldað og fleiri fá nú endurhæfingu en áður. Fyrir þá sem eru með vægari einkenni vefjagigtar og geta ekki tekið þátt í endurhæfingarprógrami Þrautar eru fjölmörg námskeið í boði og nú er hægt að fara í gegnum allan vefjagigtarskóla Þrautar í lotum.
Loturnar eru :
Verkir - Lausnarmiðuð fræðsla
Þreyta - Lausnarmiðuð fræðsla
Streita - Lausnarmiðuð fræðsla
Svefnlota
Auk þessarar fræðslulotna verða eftirfarandi námskeið í boði:
Vefjagigt - grunnnámsskeið
Núvitund - mindfulness - (hefst 3ja febrúar)
Kynlíf og verkjavandamál
Seigla og sjálfstraust
Iðraólga - starfrænar meltingartruflanir
Vefjagigtarnámskeið fyrir heilbrigðisstarfsfólk
Ekki eru komnar endanlegar dagsetningar á öll námskeiðin en þau verða sett hér inn á síðuna jafnóðum og dagsetningar hafa verið ákveðnar. Einnig er hægt að skrá sig á hjá Þraut og þá verður hringt um leið og dagsetning hefur verið ákveðin.